தற்போதைய இலங்கை ஏலவே, பன்மொழியும் பல மதங்களையும் கொண்ட நாடாகியுள்ளது. இவ்வாறான நாடுகள் உலகில் பல உள்ளன. அந்த நாடுகளிலும் இடைக்கிடையே பிளவுகள் ஏற்படுகின்றன. நீண்ட காலமாக யுத்தம் நடைபெற்றுவரும் நாடுகளும் உள்ளன. அதேவேளை ஒற்றுமையாகவும் சமாதானமாகவும் பன்மொழி பேசுகின்ற, பல மதங்களையும் பின்பற்றுகின்ற மக்கள் வாழ்கின்ற நாடுகளும் உள்ளன. யுத்தம் என்றுமே உயிர்களையும், சொத்துக்களையும் காவுகொள்வதோடு சந்தேகம், சோகம் என்பவற்றையும் ஏற்படுத்துகின்றன.
